I’ … , ‘o chiammo …  


A vote cagnano ‘e perzone: ‘o ggiovane piglia ‘o posto d’’o viecchio, 
chi tene esperienzia e chi nun ‘a tene e s’hadda ‘mparà. 

Chi se monta ‘a capa, e chi se fa ‘o ssuoio, e ‘o sape fa.

Ma ‘na idea, ‘nzieme , grazie a tutte quante, cresce, chianu chiane,
proprio comme fosse …  ‘na panella ‘e pane.

Prova e riprova, juorno dopo juorno,
tanta gente fatica, zitte, mute, co’ silenzio attuorno,
sta nascenno ‘na cosa, comme fosse miraculo,  
che, a la vedè, capisce o nun capisce,  pare ‘nu spettaculo.

 ‘E vote, ‘nce sta chi sfotte o chi votta mazzate,
ma quanno accummencia ‘a museca, se so già perdunate.

‘Nce chi sbaglia’na mossa, o chi fa ‘na fessaria,
e ‘nce stà pure chi, annascuso, t’accumpagna p’’a via.

Una cosa sola nun cagna: ce stà sempe chi se lagna.

Tu … , chiammalo comma vuò tu,
 rapprisentazione, cummedia, … vita.

Va bbuono l’uno o l’autro, e pure si è senza “rima“,
i’ … ‘o chiammo … Triatro.